“Liverpul” chempionlik poygasidan chiqdimi?
Klub bundan o‘n yil avval xunuk natijani qayd etdi.
“OptaJoe” portalining maʼlumotlariga ko‘ra, “Liverpul” Angliya Premyer-ligasida 2012/2013-lgi mavsumdan beri eng yomon startni qayd etdi.
“Liverpul” mavsumdagi dastlabki sakkizta o‘yinda 10 ochko to‘pladi. Bu jamoaning so‘nggi 10 yildagi eng yomon natijasidir. 2012/2013-ilgi mavsumda ham “Liverpul” 10 ochko jamg‘argan.
9-ktabr kuni bo‘lib o‘tgan so‘nggi o‘yinda “Liverpul” “Arsenal”ga 2:3 hisobida mag‘lub bo‘ldi. Ushbu o‘yindan so‘ng klub bosh murabbiyi Yurgen Klopp jamoa chempionlik poygasidan chiqib ketganini aytdi.
“Liverpul” hozirda APL turnir jadvalida 10-o‘rinda bormoqda. “Liverpul” APLning navbatdagi turida “Manchester Siti”ga qarshi bahs olib boradi. O‘yin 16 oktyabr kuni “Enfild” stadionida bo‘lib o‘tadi.
