Pep Gvardiola: “Arsenal” mavsumni yaxshiroq boshladi”
Murabbiy APL turnir jadvalidagi holat haqida gapirdi.
“Manchester Siti” bosh murabbiyi Xosep Gvardiola jamoasining Premyer-liga va UEFA Chempionlar ligasidagi dastlabki o‘yinlari haqida fikr bildirdi.
“Har yilgiga qaraganda mavsumni yaxshiroq boshladik. Ayni damda Premyer-liga va Chempionlar ligasida biz eng yaxshi holatdamiz. Chempionlar ligasi pley-off bosqichiga chiqishimiz uchun bitta g‘alaba kerak, xolos. Premer-liga esa qizg‘in pallada. Hozirda bizdan ham yaxshiroq o‘yin ko‘rsatayotgan va buni uddalayotgan bitta jamoa bor. Aslida “Arsenal” mavsumni bizdan yaxshiroq boshladi. Jadvalda biz yetakchilik qilmayapmiz”, — deya Gvardiolaning so‘zlaridan “Goal.com” nashri iqtibos keltirdi.
Eslatib o‘tamiz, Premyer-liganing 9 turidan so‘ng “Siti” “Arsenal”dan bir ochko ortda qolgan holda turnir jadvalida ikkinchi o‘rinda bormoqda.
