Ronaldu nogiron bolalarni qo‘llab-quvvatlash aksiyasida qatnashdi
Unda “Manchester Yunayted”ning boshqa futbolchilari ham ishtirok etgan.
“Manchester Yunayted” hujumchisi Krishtianu Ronaldu klub futbolchilari bilan birgalikda nogiron bolalarni qo‘llab-quvvatlash aksiyasida ishtirok etdi.
Yosh muxlislarga klubning Karringtondagi mashg‘ulot bazasiga tashrif buyurish imkoniyati berildi. Bolalar futbolchilardan dastxat olishdi, ingliz klubi yulduzlari bilan suratga tushishdi va mashg‘ulotlar markazi bo‘ylab ekskursiyada ishtirok etishdi.
“Manchester Yunayted”ning yulduz hujumchisi Krishtianu Ronaldu futbolkalarga imzo chekdi va bir nechta bolalar bilan suratga tushdi. Shundan so‘ng u bu haqda o‘zining ijtimoiy tarmoqlardagi sahifasiga joylashtirdi.
