Bir hafta avval portlatilgan ko‘prikda avtobuslar harakati tiklandi
Endilikda Qrim ko‘prigi yo‘lovchi tashish uchun avtomobillar, avtobuslar, poyezdlar va elektropoyezdlar harakati ochiq.
8-oktyabr kuni ertalab Qrim ko‘prigida portlash sodir bo‘lib, bir necha sisterna yonib ketgandi. Unda to‘rt kishi halok bo‘ldi. 12-oktyabr kuni Rossiya Federal xavfsizlik xizmati Qrim ko‘prigidagi teraktni Ukraina harbiy razvedkasi rahbari Kirill Budanov uyushtirganini aniqlaganini maʼlum qildi.
Qrim ko‘prigida avtobuslar har ikki yo‘nalishda ham harakatlana boshladi.
“Qrim ko‘prigida avtobuslar harakati boshlandi. Ular bugun ertalab ikki yo‘nalishda harakatlana boshladi. Eslatib o‘tamiz, avvalroq avtobuslar parom o‘tish joyiga jo‘natilgan edi”, — deyiladi respublika Transport vazirligi vazirlik xabarida.
Taʼkidlanishicha, endilikda ko‘prikda yo‘lovchi tashish uchun avtomobillar, avtobuslar, poyezdlar va elektropoyezdlar harakati ochiq.
Bundan tashqari, agar xohlasa, yo‘lovchilar Kerch dengiz o‘tish joyining qayiqlari va paromlaridan foydalanishlari mumkin.
