“Real”ning hali ham ishtahasi karnay
Klub bu futbolchini qo‘lga kiritishga jiddiy kirishadi.
“Real Madrid” o‘tgan yozda klubning taklifini rad etgan “PSJ” hujumchisi Kilian Mbappeni sotib olish fikridan qaytgan. “Qaymoqranglilar” xo‘jayinlari 2024 yilda “Manchester Siti”dan Erling Holandni sotib olishga eʼtibor qaratishmoqchi. Bu haqda “Marca” nashri xabar bermoqda.
Oldinroq fransiyalik futbolchi Parij klubi “Bavariya”da to‘p surayotgan hujumchi Robert Levandovskini sotib olishni xohlagan. Jamoadoshi Neymar esa klubni tark etishini talab qilgan. Oxir-oqibat, bularning hech biri sodir bo‘lmadi. Braziliyalik futbolchi “PSJ”da qoldi, Robert esa “Barselona”ga o‘tdi.
Eslatib o‘tamiz, 23 yoshli fransuz futbolchisi joriy mavsumda barcha turnirlarda 14 ta o‘yinda maydonga tushib, 12 ta gol urishga erishdi. Avvalroq, Mbappe yiliga 131,2 million yevro maosh oladigan dunyodagi eng ko‘p oylik oluvchi futbolchi ekanligi maʼlum bo‘lgan edi.
