Afsonaning ishlari hozircha yurishmayapti
Angliyada yana bir murabbiy ishdan ketdi.
Birmingemning “Aston Villa” klubi bosh murabbiy Stiven Jerrardning ishdan bo‘shatilganini eʼlon qildi.
“Biz Stivenga mashaqqatli mehnati va fidoyiligi uchun minnatdorchilik bildiramiz va unga kelajakdagi faoliyati uchun eng yaxshi tilaklarni bildiramiz”, — dedi klub vakillaridan biri.
Eslatib o‘tamiz, “Aston Villa” 11 turdan keyin 9 ochko bilan APL turnir jadvalida 17-o‘rinda bormoqda. Jerrard 2021 yilning noyabr oyida jamoani qabul qilib olgandi. Uning qo‘l ostida “Aston Villa” o‘tgan mavsum turnir jadvalida 14-o‘rinni egalladi.
“Everton” jamoasini boshqarib kelayotgan “Chelsi” afsonasi Frenk Lempard ham ishidan ayrilish arafasida. Uning jamoasi Premyer-liganing to‘rt o‘yinidan beri mag‘lubiyatga uchrab kelmoqda.
