Ishsiz yurgan murabbiylar
Ularning safiga yaqinda Stiven Jerrard qo‘shilgandi.
Yaqinda Stiven Jerrard “Aston Villa” bosh murabbiyligidan bo‘shatildi. “Fulhem” bilan o‘yindan so‘ng uning klubdagi taqdiri hal bo‘ldi. Jerrardning Premyer-ligadagi birinchi tajribasi muvaffaqiyatli bo‘lmadi.
Bu ishdan bo‘shatish Premyer-ligada mavsum boshidan beri to‘rtinchisi bo‘ldi. “Bornmut”dan Skott Parker bu ro‘yxatni boshlab berdi. Undan keyin Tomas Tuxel va Bruno Leyj ham bunga qo‘[shildi. Bundan tashqari hozirda Brendan Rojersning “Lester”dagi va Frenk Lempardning “Everton”dagi faoliyati uzoq vaqtdan beri muhokama qilinmoqda. Ayni damda dunyoning bir qator murabbiylari ishsiz yuribdi. Quyida mazkur murabbiylar haqida maʼlumotga ega bo‘lishiningiz mumkin:
Zinedin Zidan
Yaqinda Zidan borasida Fransiya terma jamoasi va “PSJ”da bir qancha mish-mishlar tarqaldi, ammo ularning barchasi tasdiqlanmadi: “Real”dan ketganiga deyarli bir yarim yil o‘tgan bo‘lsada, Zidan bironta jamoani boshqarishga shoshilmayotganga o‘xshaydi. Bundan avvalroq, “Yuventus” va “PSJ” kelasi yozda murabbiy uchun kurash olib borishi haqida xabarlar paydo bo‘lgandi.
Ole-Gunnar Sulsher
“Manchester Yunayted”dan ishdan bo‘shatilganidan so‘ng, u Norvegiyaga qaytdi. Kuz boshidan beri Sulsher o‘g‘li o‘ynaydigan “Kristiansund U-14” jamoasining mashg‘ulotlarining haftasiga ikki yoki uch marta olib bormoqda. Norvegiyaning Tidens Krav nashri mutaxassis shu vaqt ichida unga tushgan barcha takliflarni rad etganini yozdi. Biroq murabbiyga kimlar qo‘ng‘iroq qilganini maʼlum qilmagan.
Rafael Benites
Ispaniyalik murabbiy “Everton”ga klubda muhim o‘zgarishlar boshlanganida kelgan edi. Transfer uchun kam pul sarflanishi klubda o‘zgarish qilish imkonini bermadi. Shu sababli Benitesning jamoadan ketishiga olib keldi.
Klaudio Raneri
Raneri “Uotford”da uzoq vaqt ishlamadi: u 2021 yilning oktabrida jamoani qabul qilib olgandi. Hamda 2022 yilning yanvarida esa ishdan bo‘shatildi. U yerdagi vaziyat halokatli edi. Raneri jamoasi bilan 14 ta uchrashuvda 11 ta mag‘lubiyatni totib ko‘rishga majbur bo‘ldi. O‘shandan beri italiyalik murabbiyning karyerasi haqida hech qanday xabar yo‘q.
Maurisio Pochettino
Pochettino “PSJ” safida Chempionlar ligasida muvaffaqiyatsizlikka uchradi. Yevropaning eng nufuzli turnirida chempion bo‘lish uzoq vaqtdan beri parijliklarning asosiy maqsadi bo‘lib kelgan. Bir qator yulduz futbolchilar bilan ham bu natijaga erisha olmagan murabbiy shu sababli ishdan bo‘shatildi. Pochettinoga allaqachon “Yuventus”, “Chelsi”, “Manchester Siti”, “Nitsa”dan takliflar bo‘lgan. Biroq, uning kelajagi haqida hozircha aniq maʼlumotlar yo‘q.
Yoaxim Lyov
Jahon chempioni bo‘lgan murabbiy o‘tgan yili Germaniya terma jamoasini tark etgan edi. Bu muddat ichida u ishsiz yuribdi. Shundan so‘ng murabbiyga “Fenerbaxche”, “Real Madrid”, “PSJ” va hatto Rossiya terma jamoasidan takliflar bo‘lgan. May oyida “Sky Sport Deutschland” nashri Lyovning aniq takliflari borligi va u klubda ishlashni xohlayotgani haqida xabar bergan edi. Ammo o‘shandan beri sukunat hukm surmoqda.
Tomas Tuxel
Tuxelning “Chelsi”dan chetlatilishi barchani hayron qoldirdi. Yozda, yangi xo‘jayin Todd Bouli o‘zining keng ko‘lamli islohotlarini boshlaganida, tomonlar til topishib, hamma narsaga kelishib olgandek tuyulgandi. Hozirda nemis OAVlari murabbiy “Bayer”ning taklifini rad etgani, bundan tashqari u “Bavariya”ni boshqarishi mumkinligini yozishgan. Tuxelni bu variant qiziqtirmoqda. So‘nggi paytlarda murabbiy Angliya terma jamoasini boshqarishi mumkinligi aytilmoqda.
Xulen Lopetegi
Lopetegi “Sevilya”da uch mavsum ishladi, ammo kuzda uning klubdagi faoliyati yakuniga yetdi. Chempionlar ligasi doirasidagi uy uchrashuvida Dortmundning “Borussiya” klubidan qabul qilingan dahshatli mag‘lubiyatdan so‘ng (1:4) darhol rahbariyat u bilan xayrlashdi. Ketishdan oldin Lopetegi “Vulverxempton” bilan bog‘langan. Insayderlar “Sevilya” uning o‘rniga o‘rinbosar qidirayotganliklarini xabar qilishgan.
