Chempionlar ligasida eng tez xet-trik qayd etgan futbolchilar
Ular orasida kimlar bor?
Muhammad Saloh Chempionlar ligasining joriy mavsumida eng tezkor xet-trik qayd etib, o‘ziga xos rekordni qayd etdi. Uning rekordiga yaqinroq natija ko‘rsatgan boshqa futbolchilar ham bor.
Muhammad Saloh — 6 daqiqa
“Liverpul” hujumchisi har doim o‘zining tezligi bilan raqiblarining esida qolgan. Ammo yaqinda “Reynjers”ga qarshi o‘yinda unga uchta gol urish uchun bor-yo‘g‘i 6 daqiqa 12 soniya kerak bo‘ldi. Ajoyib natija.
Bafetimbi Gomis — 8 daqiqa
2011-yilda “Lion”ga Zagrebning “Dinamo”sini 7:1 hisobida mag‘lub etishga yordam bergan Bafetimbi Gomisning xet-trikini bajarish uchun biroz ko‘proq vaqt kerak bo‘ladi. Hujumchi buni sakkiz daqiqada amalga oshirgan.
Mayk Nyuyell — 9 daqiqa
Mayk Nyuyell bu natija uchun Salohdan ikki daqiqa ko‘proq vaqt sarflagan. 1995-yilda “Blekbern Rovers” o‘z uyida Norvegiyaning “Rusenborg” klubi ustidan yirik hisobda g‘alabaga erishadi. Mezbonlarning 3 ta goliga Nyuyell muallliflik qiladi.
Robert Levandovski — 10 daqiqa
Robert Levandovski o‘tgan mavsumda rekordchiga aylandi. “Bavariya” safida polshalik hujumchi “Zalsburg” bilan o‘yin boshida 3 ta gol urishga erishdi.
Rahim Sterling — 11 daqiqa
Chempionlar ligasida birdaniga bir nechta futbolchilar 11 daqiqa ichida xet-trik qayd etishgan Ulardan biri 2019-yilda “Atalanta” himoyasini larzaga keltirgan Rahim Sterling bo‘ldi. U uchta gol urish uchun 11 daqiqa-yu 13 soniya vaqt sarflagan.
Krishtianu Ronaldu — 11 daqiqa
2015-yilda “Real Madrid” tarixdagi eng esda qolarli o‘yinlardan birini o‘tkazdi. Shvetsiyaning “Malmyo” klubiga qarshi o‘yinda “qaymoqranglilar” yulduz hujumchisi 11 daqiqa-yu 15 soniyada xet-trik qayd etdi.
Luis Adriano — 12 daqiqa
Luis Adriano 2014-yilda Levandovski kabi yaxshi natija ko‘rsatdi. Belorussiyaning “BATE” jamoasi Donetskning “Shaxtyor” jamoasini 7:0 hisobida mag‘lubiyatga uchratganda hujumchini to‘xtatishni iloji bo‘lmadi.
