Ilkay Gyundoganga “Bavariya” qiziqmoqda
Futbolchi jahon chempionatidan so‘ng bir qarorga kelmoqchi.
“Manchester Siti” yarim himoyachisi Ilkay Gyundogan faoliyatini Germaniyada davom ettirishi mumkin. Bu haqda jurnalist Grem Beyli ijtimoiy tarmoqdagi sahifasida maʼlum qildi.
Manbaga ko‘ra, 32 yoshli germaniyalik futbolchining xizmatlariga “Bavariya” qiziqish bildirmoqda. Gyundoganning “Manchester Siti” bilan amaldagi shartnomasi 2023 yilning yoziga qadar tuzilgan. Futbolchi Qatardagi jahon chempionati yakunlanganidan so‘ng bir qarorga keladi. Avvalroq Gyundogan xizmatlariga “Barselona” va “Yuventus” klublari qiziqish bildirayotgani haqida xabarlar tarqalgan edi.
Eslatib o‘tamiz, Gyundogan joriy mavsumda Premyer-ligada 9 ta o‘yinda maydonga tushib, 2 ta gol urdi va bitta golli uzatmani amalga oshirdi.
