“PSJ” o‘tgan mavsum katta zarar ko‘rgan
Bu Mbappe bilan imzolangan shartnoma bilan ham bog‘liq.
2021/2022-yilgi mavsumda Fransiyaning “PSJ” klubi 370 million yevro zarar ko‘rdi. Bu haqda “L‘Équipe” nashri xabar berdi.
Bunday katta miqdor hujumchi Kilian Mbappe bilan imzolangan yangi shartnoma kiritilgani bilan izohlanadi.
2021/2022-yilgi mavsumdagi omadsizlik UEFA tomonidan shartli ravishda 65 million yevro miqdorida jarimaga tortilishiga olib keldi. Uning 55 millioni qayta tiklangan taqdirda undiriladi. Shu tariqa, ikki tomon o‘rtasidagi muzokaralardan so‘ng jarima miqdori 10 million yevro darajasida qoldi.
Shuningdek, Fransiya klubi har olti oyda UEFAga vaqtinchalik moliyaviy maqsadlar bilan bog‘liq vaziyat haqida hisobot berib turish majburiyatini oldi.
