“Ajdarlar” O‘zbekiston kubogini qo‘lga kiritdi
Qarshiliklar “Navbahor”ni mag‘lub etdi.
Futbol bo‘yicha O‘zbekiston Kubogining finalida “Navbahor” va “Nasaf” jamoalari o‘zaro to‘qnash keldi.
Buxoroda o‘tgan finalning dastlabki goli 29-daqiqada qarshiliklar tomonidan urildi: pozitsion hujumni Akmal Mozgovoy gol bilan yakunladi.
Bunga namanganliklar 58-daqiqada Doniyor Abdumannopovning goli bilan javob qaytardi. Qolgan vaqtda hisob o‘zgarmadi va qo‘shimcha bo‘limlarga murojaat qilindi.
101-daqiqada Mateus Lima qanotdan uzatib berilgan to‘pni boshi bilan darvozaga joylab, qarshiliklarni yana oldinga olib chiqdi va bu gol “ajdarlar”ga g‘alaba keltirdi.
Shu tariqa “Nasaf” o‘z tarixida uchinchi marta O‘zbekiston Kubogi g‘olibiga aylandi.
