“Barselona” Yevropa ligasida g‘alaba uchun kurashadi”
Xavi klubning keyingi rejalari haqida gapirdi.
“Barselona”ni boshqarayotgan 42 yoshli ispaniyalik mutaxassis Xavi guruh bosqichi o‘yinlaridan so‘ng Chempionlar ligasi natijalarini sarhisob qildi.
"Chempionlar ligasi guruh bosqichidagi o‘yinlarimizga hech qachon yuqori baho bermayman. Pley-offga chiqish uchun imkoniyatlarimiz bor edi, hammasi o‘zimizga bog‘liq edi, ammo muvaffaqiyatsizlikka uchradik. O‘z imkoniyatlarimizdan foydalana olmadik. Endi biz Yevropa ligasida favoritmiz – bu ajoyib musobaqa va biz unda g‘alaba uchun kurashamiz”, — deya Xavining so‘zlaridan UEFA matbuot xizmati iqtibos keltirdi.
Eslatib o‘tamiz, olti o‘yinda yetti ochko jamg‘argan “Barselona” “S” guruhida uchinchi o‘rinni egalladi.
