Eden “Nyukasl”ga o‘tishga qarshi emas
Futbolchiga 20 million yevro taklif qilinmoqda.
“Real” yarim himoyachisi Eden Azar qishki transfer oynasida APLga qaytishi mumkin. “Nyukasl” Belgiya terma jamoasi futbolchisi uchun 20 million yevro taklif qilishga tayyor. 31 yoshli Azarning o‘zi ham avval “Chelsi”da o‘ynagan, shu bois APLga qaytishga qarshi emas. Bu haqda “El Nacional” nashri xabar bermoqda.
Eslatib o‘tamiz, 2019 yilda “Real Madrid” London klubi futbolchisi uchun 115 million yevro to‘lagandi. Ammo belgiyalik futbolchi uch yil ichida 16 ta jarohat oldi, shu sabab “qaymoqranglilar” safida bor-yo‘g‘i 72 ta o‘yinda maydonga tushib, 7 ta gol urdi va 11 ta golli uzatmani amalga oshirdi. Tomonlar o‘rtasidagi kelishuv 2024 yilda yakuniga yetadi.
