“Bavariya” Krishtianuga qiziqqani yo‘q
Klubning rejasi boshqa.
Myunxenning “Bavariya” klubi “Manchester Yunayted” hujumchisi Krishtianu Ronalduga qiziqish bildirmayapti. Bunday maʼlumotlar 37 yoshli futbolchining intervyusidan so‘ng paydo bo‘ldi. Amaldagi Germaniya chempioni futbolchining vakillari bilan hech qanday muzokara o‘tkazmagan. Bu haqda “Sky Germany” xabar bermoqda.
Manbaga ko‘ra, “Bavariya” Ronalduning yoshi va transfer bozoridagi boshqa rejalari tufayli uni o‘z safiga qo‘shib olmoqchi emas.
Ronaldu joriy mavsumda barcha turnirlarda 16 ta o‘yinda 3 ta gol urdi va 2 ta golli uzatmani amalga oshirdi. Krishtianu va “Manchester Yunayted” o‘rtasidagi kelishuv 2023 yilning yozida tugaydi.
