“Barsa” tarkibini kuchaytiruvchi futbolchi topdi
Klub Fransiya terma jamoasi aʼzosiga qiziqmoqda.
“Mundo Deportivo” xabariga ko‘ra, “Bavariya” va Fransiya terma jamoasi himoyachisi Benjamin Pavar “Barselona”ning qiziqishlari doirasida.
Manbaga ko‘ra, fransiyalik himoyachi Kataloniya klubining asosiy maqsadlaridan biri hisoblanadi. Pavardning “Bavariya” bilan amaldagi shartnomasi 2024-yilning yoziga qadar mo‘ljallangan va ayni damda tomonlar uni uzaytirish borasida muzokaralar olib borishmayapti. Pavardning “Barselona”ga o‘tishiga futbolchining pozitsiyasi to‘siq bo‘lishi mumkin: kataloniyaliklar fransiyalik futbolchini o‘ng qanotda qo‘llashni rejalashtirmoqda. Ammo Pavardning o‘zi kelajakda markaziy himoyachi sifatida o‘ynamoqchi.
Eslatib o‘tamiz, Pavard 2019-yildan beri “Bavariya”da o‘ynab kelmoqda. Joriy mavsumda 26 yoshli futbolchi chempionatda 13 ta o‘yinda maydonga tushib, 1 ta gol urdi.
