Buskets MLS taklifini kutmoqchi
U bir qarorga kelolmayapti.
“Barselona” yarim himoyachisi Serxio Buskets hali ham kelajagi borasida bir qarorga kelmagan.
Kataloniyaliklar hali ham 34 yoshli ispaniyalik futbolchi bilan shartnomani uzaytirishni kutmoqda, biroq kelishuvga qadar hali ko‘p qadamlar qo‘yilishi kerak. Avvalroq OAVda qayta-qayta xabar qilinganidek, Busketsning o‘zi amaldagi shartnoma muddati tugaganidan keyin 2023 yilning yozida klub lagerini tark etish imkoniyatini haqiqatdan ham ko‘rib chiqmoqchi. Insayder jurnalist Ekrem Konurning so‘zlariga ko‘ra, Saudiya Arabistonining ikki jamoasi Serxioga qiziqish bildirmoqda, ammo yarim himoyachining o‘zi faoliyatini MLSda davom ettirishni afzal ko‘radi.
Joriy mavsumda “Barselona” sardori 16 uchrashuvda maydonga tushib, bitta i uzatmani amalga oshirdi. Buskets kataloniyaliklar safida jami 696 ta o‘yin o‘tkazib, 18 ta gol urgan va 44 ta golli uzatma muallifi bo‘lgan.
