Gana formasini uyida unutib qoldirdi
Bu hodisa terma ishtirokida avval ham kuzatilgan.
Gana termasi jamoasi Qatardagi jahon chempionatiga formasiz tashrif buyurgani maʼlum bo‘ldi. Qizig‘i shundaki, bu hodisa Gana termasi tarixida birinchi marta sodir bo‘layotgani yo‘q.
Ganalik jurnalist Frank Darkua bu haqda twitter sahifasida maʼlum qildi. Jurnalist forma uchun masʼul bo‘lgan administrator uni tasodifan Ganada qoldirib ketganini yozdi. Qanday qilib tasodifan katta yukni qoldirib kelish mumkin? Endi rasmiylar birinchi o‘yinga (24 noyabrda - Portugaliya bilan) o‘z vaqtida formani tezda olib kelish uchun barcha ishlarni amalga oshiradi. Logistika kompaniyalari bu holatda tezlik bilan ishlaydi, deb umid qilinmoqda.
2004 yilda - Gretsiyadagi Olimpiya o‘yinlarida ham shunday holar kuzatilgan. Gana futbol ittifoqi (GFA) kotibi Kofi Nsia futbolkalarni yig‘ib olib, aeroportga olib borish uchun joylab qo‘yadi. O‘sha oqshom GFA raisi London orqali Afinaga uchib ketadi, shuning uchun Nsia jamoaga qimmatbaho yuklarni yetkazib berishiga umid qilib, formalarni tashkilot raisi nomi bilan belgilab qo‘ygan. Rais esa o‘z nomiga qandaydir qutilarni olib ketayotganidan xabari yo‘q edi.
Italiyaga qarshi birinchi o‘yin oldidan Gana terma jamoasi bosh murabbiyi jamoasi formasiz qolganini bilmagan holda matbuot anjumaniga keladi. Dastlab hammasi muammosiz kechayotgan edi. Rasmiylar keyinchaklik formalarni talab qilishganda, xodimlar bunga javob topolmay qolishadi. Uchrashuvga bir kun qolganda hech qayerda futbolkalar yo‘q edi. Lekin ular kutmagan joydan yordam keldi. Nike murabbiylardan biriga mashg‘ulotlarda ishlatiladigan formalarni beradi. Unda raqamlar va futbolchilarning familiyalari yo‘q edi. Gana delegatsiyasining rahbari GFA sobiq vitse-prezidenti Fred Pappo bo‘lib, u Volosdagi sport do‘konini qidirib, formalarning orqasiga raqamlar qo‘yish uchun sariq shortilar sotib oladi. Gana keyingi o‘yinga o‘zining sariq-qizil-qora rangli oldingi liboslarida maydonga chiqadi.
