Braziliya terma jamoasi Qatar-2022ga tayyormi?
Neymar yana bir rekord o‘rnatishga tayyor.
Braziliya terma jamoasining jahon chempionati uchun uy libosi anʼanaviy sariq futbolka va ko‘k shortilardan iborat bo‘ladi. Futbolkada leopardning naqshi mavjud. Mehmon esa libosi ko‘k rangda.
Jahon chempionatiga yo‘l
Braziliyaliklar JCH-2022ga birinchi o‘rinda yo‘ oldi. Ular Argentinadan olti ochko ko‘p to‘pladi. Shuningdek, Urugvay, Ekvador, Peru, Kolumbiya, Chili, Paragvay, Boliviya va Venesuelani ortda qoldirdi. Braziliya saralash bosqichida mag‘lubiyatsiz o‘tdi va 17 o‘yinda atigi 5 ta gol o‘tkazdi
Bosh murabbiy - Tite
Titaning jamoadagi taqdirini Qatardagi jahon chempionati hal qiladi. 61 yoshli mutaxassis 2019 yilda Braziliya bilan Amerika Kubogida g‘alaba qozongan va JCH-2018 chorak finalida ishtirokini yakunlagan. Uning Braziliya bilan shartnomasi jahon chempionatidan so‘ng tugaydi.
Yetakchi - Neymar
Bu jahon chempionati Neymar uchun oxirgisi bo‘lishi mumkin. Hozir ko‘plab yosh futbolchilar uning o‘rniga daʼvogarlik qilmoqda va to‘rt yildan keyin raqobat kuchli bo‘ladi. 2014 yilgi jahon chempionatida Neymar ikkita dubl qayd etdi. Xorvatiya va Kamerunga qarshi o‘yinlarda omadli harakat qildi. Germaniya bilan 1/2 final uchrashuvini jarohati sabab o‘tkazib yuborgandi.
Yosh yulduz - Vinisius Junior
Vinisius o‘zining ilk jahon chempionatida ishtirok etadi. U ikki yil avval terma jamoadagi debyut o‘yinini o‘tkazgan, saralash bosqichida yettita o‘yinda maydonga tushgan va Chili darvozasiga gol urgan. Braziliyalik futbolchi U-15 va U-17 jamoalarida Janubiy Amerika chempionligini qo‘lga kiritgan va bir yil avval Amerika kubogi finalchisiga aylangandi.
Braziliyaning taxminan tarkibi va futbolchilarning joylashuvi 4-2-4-1 ko‘rinishida bo‘lishi aytilmoqda.
Uchrashuvlar taqvimi
Bunday tarkib uchun guruhdagi o‘yinlar ham jamoa uchun tayyorgarlik vazifasini o‘tashi turgan gap. Qolgan jamoalar braziliyaliklardan ochko tortib olish uchun astoydil harakat qiladi.
Fakt: Neymar tarixda qolishi kerak
“PSJ” forvardi terma jamoadagi gollari borasida Peledan ikkita gol ortda qolmoqda. Aftidan, Neymar jahon chempionatida afsonani ortda qoldirib, terma jamoa tarixidagi eng yaxshi to‘purarga aylanadi. Asosiy taʼqibchi Koutino hisobida bor-yo‘g‘i 21 ta gol bor. Yana bir fakt 20 yil davomida to‘rt karra jahon chempionlari kuchli uchlikka kira olmay keladi.
