“Bu o‘yinda Rossiya favorit”
Rustam Ashurmatov Rossiyaga qarshi o‘yin haqida gapirdi.
O‘zbekiston milliy terma jamoasi himoyachisi Rustam Ashurmatov Rossiya terma jamoasi bilan o‘tkaziladigan o‘rtoqlik o‘yini arafasida o‘z fikrlarini bildirib o‘tdi. O‘rtoqlik uchrashuvi ertaga, 20 noyabr kuni Toshkentda bo‘lib o‘tadi.
“Bu o‘yinda favorit bo‘lamiz deb o‘ylamayman. Chunki Rossiya bu bahsda favorit hisoblanadi. Lekin o‘yin, menimcha, teng kurashlar ostida o‘tadi. Kim g‘alaba qozonishini ayta olmayman. Bu oddiy o‘rtoqlik o‘yini. Biz uchun ham, raqib uchun ham. Biz odatdagidek tayyorgarlik ko‘ryapmiz”, — deya Ashurmatovning so‘zlaridan “Match TV” iqtibos keltirdi.
