Azar hijolat chekayotganini oshkor qilib qo‘ydi
U o‘zini “Real” safida Chempionlar ligasini yutmaganman deb hisoblaydi.
“Real Madrid” va Belgiya terma jamoasi yarim himoyachisi Eden Azar Madrid klubidagi omadsiz faoliyati haqida gapirdi.
“Men “Real”dagi vaqtimni omadsizlik deb bilaman. Bunchalik ko‘p jarohat olish normal holat emas, menda nimalarga qodir ekanligimni ko‘rsatish imkoniyati hech qachon bo‘lmagan. O‘zim uchun Chempionlar ligasida g‘alaba qozona olmadim. 1/8 finalda “PSJ”ga qarshi o‘ynadim, lekin ularga hech qanday qarshilik ko‘rsata olmadim. “Chelsi”da doimo eng zo‘ri bo‘lganman. “Real”da esa faqat Zidan davrida yaxshi o‘yinlar o‘tkazdim. Anchelotti bilan ko‘p gaplashmayman. Umuman olganda, men hech qachon murabbiylarim bilan ko‘p gaplashmayman. Chunki men nima qilish kerakligi haqida ko‘rsatma kutayotgan futbolchilardan emasman”, — deya Azarning so‘zlaridan “Mundo Deportivo” nashri iqtibos keltirdi.
Joriy mavsumda Azar klub safida 6 ta o‘yinda maydonga tushdi va bitta golli uzatmani amalga oshirdi.
