O‘zbekistonda 5 ballik magnit bo‘roni kuzatilmoqda
Bu haqda meteorolog Erkin Abdulahatov Telegram kanalida xabar berdi.
Bu haqda meteorolog Erkin Abdulahatov Telegram kanalida xabar berdi.
«Ayni daqiqalarda G3 darajali 5 ballik magnit bo‘ronlarini his qilyapmiz. Magnit bo‘roni G3 darajasi tush paytiga qadar davomli kuzatilib, keyin passivroq holatga qaytadi. Quyoshdagi siklik chaqnashlar yana faollashgan ko‘rinadi», — deb yozgan mutaxassis.
Magnit bo‘ronidan surunkali xastaliklarga chalingan, o‘rta va katta yoshli insonlar, ayniqsa, yurak ishemik kasalligi bilan og‘rigan yoki miokard infarkt, insultni boshdan o‘tkazgan bemorlar ko‘proq aziyat chekadi. Chunki quyosh chaqnashlari tufayli hosil bo‘lgan magnit maydoni gipertoniklarda qon bosimi oshishi, gipotoniklarda esa aksincha, qon bosimi pasayishiga sabab bo‘ladi. Bundan tashqari, bosh og‘rig‘i, holsizlik, qolaversa, turli allergik reaksiyalar kuzatilishi ehtimoli mavjud.
