Rossiya termasi OFK‘ga o‘tadimi?
Bunga jamoaning sobiq yarim himoyachisi javob berdi.
Rossiya terma jamoasi va “Spartak” klubining sobiq yarim himoyachisi Aleksandr Samedov Rossiyaning Osiyo futbol konfederatsiyasiga o‘tishi mumkinligi haqida gapirdi.
“Osiyoga o‘tish juda qiyin masala. Albatta, Yevropa o‘z nomi bilan Yevropa, lekin bizni kelajakda nima kutayotganini bilmayman, buni aytish qiyin. Osiyo kuchli mintaqa, u yerda kuchli jamoalar ko‘p. Bu ko‘proq yuqori saviyali jamoalar mavjud bo‘lgan Yevropa darajasi emasligi aniq. Lekin Osiyo ham yaxshi mintaqa, agar shunday imkoniyat paydo bo‘lsa, u yerda ham oson bo‘lmaydi”, — deya “Metaratings” Aleksandr Samedovning so‘zlaridan iqtibos keltirdi.
Eslatib o‘tamiz, avvalroq Rossiya terma jamoasi FIFA va UEFA shafeligidagi rasmiy o‘yinlarda ishtirok etishdan chetlashtirilgan edi. 2022-yilda Karpin boshchiligidagi jamoa Osiyo Futbol Konfederatsiyasining uchta jamoasi – Qirg‘iziston (2:1), Tojikiston (0:0) va O‘zbekiston (0:0) bilan o‘rtoqlik uchrashuvlari o‘tkazdi.
