Apple “Manchester Yunayted”ni sotib olmoqchi
Kompaniya uni eng boy klubga aylantirishi mumkin.
Amerikaning “Apple Inc” kompaniyasi Angliyaning eng muvaffaqiyatli futbol klublaridan biri “Manchester Yunayted”ni sotib olish imkoniyatini ko‘rib chiqmoqda. Bu haqda “The Daily Star” nashri xabar qildi.
Qayd etilishicha, kompaniya bosh direktori klub uchun 5,8 mlrd funt sterling (7 mlrd dollardan sal ko‘proq) to‘lashga tayyor. U jamoaga egalik qilish imkoniyatlarni o‘rganmoqda va banklar bilan muzokaralar olib borish niyatida.
“Apple” kompaniyasi tomonidan jamoaning sotib olinishi “Manchester Yunayted”ni dunyoning eng boy klubiga aylantirishi mumkin.
Eslatib o‘tamiz, hafta boshida klub egalari istqboldagi rivojlanishning turli strategik variantlarini, shu jumladan, “Manchester Yunayted”ni sotishni ham ko‘rib chiqayotgani ma’lum qilingandi.
