FIFA Germaniyani jazolamaydi
Kecha nemislar mundialdagi ilk uchrashuvini o‘tkazdi.
FIFA Germaniya terma jamoasiga Qatardagi jahon chempionatida Yaponiya terma jamoasi bilan o‘yin oldidan norozilik bildirgani uchun intizomiy jazo choralarini qo‘llamaydi. Bu haqda “Sky” nashri jurnalisti Rob Xarris ijtimoiy tarmoqlarida maʼlum qildi.
Eslatib o‘tamiz, o‘yin oldidan Germaniya terma jamoasining barcha futbolchilari jamoaviy suratda og‘zini qo‘llari bilan yopishgan edi. Jamoa suratiga Germaniya terma jamoasining asosiy tarkibidagi barcha futbolchilar, jumladan, jamoa sardori Manuel Noyer ham xuddi shunday ishora bilan chiqdi. Bunday imo-ishoraga Qatardagi turnir o‘yinlarida kamalak bog‘ichini taqish taqiqlangani sabab bo‘lgan.
Eslatib o‘tamiz, Germaniya – Yaponiya uchrashuvi 2:1 hisobida yaponiyaliklarning irodali g‘alabasi bilan yakunlandi.
