Braziliya terma jamoasida virusli kasallik tarqaldimi?
Ayrim futbolchilar mashg‘ulotlarni ham o‘tkazib yubormoqda.
Braziliya terma jamoasining lagerida virusli kasallik tarqalgan. Bu haqda “Goal” nashri xabar berdi.
Manbaga ko‘ra, grippga o‘xshash alomatlar tufayli Antoni, Lukas Paqueta va Alison so‘nggi kunlarda mashg‘ulotlarda o‘tkazib yuborishgan. Manba shuningdek, terma jamoa JCH-2022 2-turida Shveysariyaga qarshi o‘ynashga hali tayyor emasligini, bosh murabbiy Tite ham o‘yin uchun tarkibni aniqlagani yo‘qligini maʼlum qilgan. Jarohatlari tufayli Neymar va Danilo o‘z jamoasiga yordam bera olmaydi.
Eslatib o‘tamiz, Braziliya guruh bosqichining 2-turida Shveysariya bilan to‘qnash keladi. Uchrashuv bugun bo‘lib o‘tadi.
Dastlabki o‘yinda Braziliya Serbiyani 2:0 hisobida mag‘lub etgan bo‘lsa, Shveysariya Kamerundan minimal hisobda ustun kelgan.
