“Hayolingizga ham keltirmang”
“PSJ” xo‘jayini Mbappening jamoadan ketishi haqida gapirdi.
“PSJ” xo‘jayini va prezidenti Nosir Al-Xelayfi hujumchi Kilian Mbappening ketishi mumkinligi haqidagi mish-mishlarga izoh berdi.
“Men bu savolga har oy, har hafta va har kuni javob berishim kerak. U hozirgina shartnomasini yangiladi, barchamiz xursandmiz. Jamoa mavsumda birorta ham o‘yinda mag‘lub bo‘lmadi, biz allaqachon ketma-ket 100 o‘yin uchun chiptalarni sotganmiz”, — deya Al-Xelayfidan iqtibos keltiradi “Marca”.
Mbappe Qatarda bo‘lib o‘tayotgan jahon chempionatida Fransiya terma jamoasining bir qismi hisoblanadi. Hujumchi o‘z jamoasining Avstraliya (4:1) va Daniya (2:1) ustidan qozonilgan g‘alabalarida ishtirok etib, ushbu uchrashuvlarda uchta gol urdi. Bu 23 yoshli Mbappega Fransiya terma jamoasidagi gollari borasida afsonaviy Zinedin Zidanga yetib olish imkonini berdi.
Fransiya muddatidan avval turnirning pley-off bosqichiga yo‘llanmani qo‘lga kiritdi.
