Mahallada duv-duv gap…
Buskets muxlislarni mish-mishlarga ishonmaslikka chaqirdi.
“Barselona” yarim himoyachisi Serxio Buskets 2023 yilning yozida Amerikaning “Inter Mayami” klubi futbolchisiga aylanishi mumkinligi haqidagi maʼlumotlarga izoh berdi.
“Yo‘q, men hali hech narsaga qaror qilganim yo‘q. Ommaviy axborot vositalarida juda ko‘p xabarlar bor, lekin men hech qanday klub bilan hech narsa imzolaganim yoki muzokara o‘tkazganim yo‘q. Men fevral oyida faoliyatimni qayerda davom ettirish haqida qaror qabul qilmoqchiman, lekin hozir emas”, — deya futbolchining so‘zlaridan “El Larguero” nashri iqtibos keltirdi.
Buskets butun faoliyatini “Barselona” safida o‘tkazdi. U klub akademiyasini tamomlagan va 2008 yildan beri asosiy jamoada o‘ynamoqda. Joriy mavsumda Serxio La Liganing 12 ta o‘yinida qatnashdi, biroq birorta ham gol urishga muvaffaq bo‘lmadi. Ayni damda Kataloniya klubi 14 turdan keyin 37 ochko jamg‘arib, La Ligada birinchi pog‘onani band etib turibdi.
