Van Gal baland dorga osilmayaptimi?
U jahon chempioni bo‘lmoqchi.
Niderlandiya terma jamoasi bosh murabbiyi Lui van Gal Belgiya terma jamoasida ishlash imkoniyati haqidagi savolga javob berdi va Niderlandiay terma jamoasining Qatarda bo‘lib o‘tayotgan JCH-2022dagi maqsadlari haqida gapirdi.
“Biz jahon chempioni bo‘lishni xohlaymiz. Oldinda to‘rtta o‘yin bor, keyin nima bo‘lishini ko‘ramiz. Agar jahon chempionatida g‘olib chiqsak, albatta shartnoma takliflarini qabul qilaman. Lekin, Niderlandiya matbuotining yozishicha, biz chempion bo‘la olmaymiz. Belgiya ajoyib mamlakat, menga juda yoqadi. Hozir Niderlandiya terma jamoasi bilan ishlayapman. Biz esa ayni vaqtda jahon chempioni bo‘lishni istaymiz”, — deya “Mundo Deportivo” nashri murabbiyning so‘zlaridan iqtibos keltirdi.
Eslatib o‘tamiz, avvalroq Belgiya terma jamoasi bosh murabbiyi Roberto Martines terma jamoadagi vazifasini tark etgandi. Van Gal Niderlandiyani Qatarda bo‘lib o‘tayotgan jahon chempionatining “A” guruhida birinchi o‘rin olib pley-off bosqichiga olib chiqdi. 1/8 finalda gollandlar ertaga AQSH termasiga qarshi bahs olib boradi.
