Fati Xavidan xafa
U “Barselona”da ko‘proq o‘ynashni xohlaydi.
“Barselona” hujumchisi Ansu Fati jamoadagi o‘yinidan norozi ekanini tan oldi.
“Yolg‘on aytmayman, to‘g‘ri, men “Barselona”da ko‘proq o‘ynashni kutgandim. Xavining barcha qarorlarini tushunaman. Vaziyatni o‘zgartirish uchun har kuni qo‘limdan kelgancha mehnat qilishim kerak”, — deya Fatining so‘zlaridan “Mundo Deportivo” nashri iqtibos keltirdi.
20 yoshli Fati bu mavsumda ispan jamoasi safida 20 ta o‘yinda maydonda tushib, 700 daqiqa vaqt o‘tkazdi hamda 3 ta gol urdi va 3 ta golli uzatmani amalga oshirdi. Tomonlar o‘rtasidagi kelishuv 2027 yilgacha mo‘ljallangan.
Fati bugun Ispaniya terma jamoasi safida Marokashga qarshi jahon chempionati 1/8 finalida maydonga tushadi.
