BMT: Tabiat bilan “tinchlik shartnomasi” tuzish vaqti keldi
Tashkilot jahon hamjamiyatini ushbu shartnomaga qo‘shilishga chaqirdi.
Jahon hamjamiyati tabiat asrash bilan bog‘liq milliy harakatlar rejalarini ishlab chiqish, atrof-muhitni muhofaza qilish choralari va rivojlanayotgan mamlakatlarni moliyaviy qo‘llab-quvvatlashni nazarda tutadigan shartnoma tuzishi kerak. Bu haqda BMT Bosh kotibi Antoniu Guterrish Monrealda bioxilma-xillik bo‘yicha konferensiyada so‘zlagan nutqida aytib o‘tdi.
"Tabiat bilan tinchlik bitimini tuzish vaqti keldi. Buning uchun uchta aniq harakat talab etiladi. Birinchidan, hukumatlar moliya va oziq-ovqatdan tortib energetika hamda infratuzilmagacha bo‘lgan barcha vazirliklar uchun milliy harakatlar rejalarini ishlab chiqishi kerak. Subsidiyalarni qayta yo‘naltish; tabiatni vayron qiluvchi faoliyatdan ekologik yechimlarga soliq olishni oshirish,qayta tiklanadigan energiyaga eʼtibor qaratish, plastmassani qisqartirish lozim.
Ikkinchidan, xususiy sektor foyda va atrof-muhitni muhofaza qilish yonma-yon borishi kerakligini tan olishi kerak. Globallashgan iqtisodiyotimizda biznes va investorlar dunyoning har bir burchagida tabiat inʼomlariga tayanadilar.
Uchinchidan, rivojlangan davlatlar sayyoramizning tabiiy boyliklarining asosiy egasi bo‘lgan global Janub mamlakatlariga moliyaviy yordam ko‘rsatishi zarur. Rivojlanayotgan davlatlar bu yukni yolg‘iz o‘zi ko‘tarishini kuta olmaymiz”, — dedi tashkilot rahbari.
BMT Bosh kotibining fikricha, barcha mamlakatlar o‘z ekotizimlarini himoya qilish va qayta tiklash bilan birga umumiy maqsadlarni ham qo‘llab-quvvatlashi kerak.
