Vazifasini eplolmagan Enrike lavozimidan ketadi
Uning o‘rnini Belgiyaning sobiq ustozi egallaydi.
Belgiyalik sobiq murabbiy Roberto Martines Ispaniya terma jamoasi bosh murabbiyi Luis Enrikening o‘rnini egallashi mumkin.
Eslatib o‘tamiz, 52 yoshli mutaxassisning shogirdlari Qatarda bo‘lib o‘tayotgan JCH-2022da chorak finalga chiqa olmadi. O‘yindan keyingi penaltilar seriyasida Marokash termasiga imkoniyatni boy berib qo‘yishdi.
Avvalroq, OAVda Luis Enrikening o‘z lavozimini tark etish ehtimoli yuqoriligi haqida xabarlar tarqalgandi.
Eslatib o‘tamiz, 1 dekabr kuni Martines Belgiya termasidagi lavozimini tark etganini eʼlon qilgandi. U bilan terma jamoa Rossiyada bo‘lib o‘tgan jahon chempionatining yarim finaliga qadar yetib borgan va unda Fransiya termasiga mag‘lub bo‘lgan, keyin esa uchinchi o‘rin uchun bahsda inglizlardan kuchliroq bo‘lib chiqqandi.
