Zidan mundialdan keyin Fransiyani boshqaradimi?
Bunga Desham javob berdi.
Fransiya terma jamoasi bosh murabbiyi Didye Desham Qatarda bo‘lib o‘tayotgan 2022 yilgi jahon chempionatidan keyin terma jamoani tark etishi va uning o‘rniga Zinedin Zidan kelishi haqidagi mish-mishlarga izoh berdi.
“Savolingiz uchun rahmat, hozir bu haqda gapirishning vaqti emas. Hozir biz faqat jahon chempionatining yarim finaliga chiqishni xohlaymiz”, — deya insayder Fabritsio Romano murabbiyning so‘zlaridan iqtibos keltirdi.
Fransiya terma jamoasi ertaga, Qatarda bo‘lib o‘tayotgan jahon chempionati chorak finalida Angliya terma jamoasiga qarshi maydonga tushadi. Desham Fransiya terma jamoasida 2012 yildan buyon ishlab keladi. Uning qo‘li ostida fransuzlar JCH-2018da g‘alaba qozonishdi va 2016 yilgi Yevropa chempionati finaliga chiqishdi. Mish-mishlarga ko‘ra, Qatardagi turnir yakunlanganidan keyin Desham Zidanning o‘rnini egallashi mumkin.
