Kasilyas mundialdan qanday natija kutayotganini aytdi
U kuchsiz jamoaning chempionligini xohlamoqda.
“Real” va Ispaniya terma jamoasining sobiq darvozaboni Iker Kasilyas Qatarda bo‘lib o‘tayotgan jahon chempionatida qaysi jamoa g‘olib bo‘lishini xohlayotganini aytdi.
“Men Xorvatiya yoki Marokashning g‘alaba qozonishini istardim. Lekin Argentina kabi tarixiy futbol anʼanasiga ega jamoa ham bor, jahon chempioni Fransiyada esa juda yaxshi avlod bor. Umid qilamanki, ular juda yaxshi o‘yin o‘tkazishadi”, — deya Kasilyasning so‘zlaridan “Diario Sport” nashri iqtibos keltirdi.
Eslatib o‘tamiz, marokashliklar Portugaliya ustidan qozonilgan g‘alabadan so‘ng turnirning yarim finaliga yo‘l olishdi. Ular bu bosqichda Fransiya bilan bahs olib boradi. Yarim finalning ikkinchi juftligida Xorvatiya va Argentina jamoalari to‘qnash keladi.
