“Biz siz bilan faxrlanamiz”
“Barselona” ham chetda qolmadi.
“Barselona” Argentina terma jamoasi hujumchisi Lionel Messini JCH-2022 g‘olibi bo‘lgani bilan tabrikladi.
Futbolchining ijtimoiy tarmoqdagi sahifasida turnirda g‘olib chiqqani haqida yozilgan postiga izohlarda Kataloniya klubi “Biz siz bilan faxrlanamiz” deb yozilgan.
Eslatib o‘tamiz, jahon chempionati finalida Argentina terma jamoasi Fransiyani penaltilar seriyasida mag‘lub etdi. Messi uchun bu terma jamoadagi birinchi jahon chempionati kubogi. 2014 yilda ham u turnir finalida ishtirok etgan, biroq qo‘shimcha bo‘limlardan so‘ng uning jamoasi Germaniyaga 0:1 hisobida mag‘lub bo‘lgandi.
Messi Qatardagi turnirning eng yaxshi futbolchisi deb topildi. Argentinalik hujumchi turnirda yettita gol urdi va uchta golli uzatmani amalga oshirdi.
