77 yoshli Yupp Xaynkesni ahvoli og‘irlashdi
U jarrohlik amaliyotini boshdan kechirmoqda.
“Bavariya” va “Real” klublarining sobiq bosh murabbiyi Yupp Xaynkesning yuragi operatsiya qilindi. U Dyusseldorfda davolangan va operatsiyadan keyin ikki hafta intensiv terapiya bo‘limida yotgan.
“Bu hayotimdagi eng yomon kunlar edi. O‘sha kunlari umuman uxlay olmadim. O‘lib qolaman deb o‘yladim. Menga g‘amxo‘rlik qilgan barcha shifokorlar va xodimlarga o‘z minnatdorchiligimni bildirmoqchiman”, — deya Xaynkesning so‘zlaridan “Bild” nashri iqtibos keltirdi.
77 yoshli Xaynkes futbolchi sifatida Germaniya terma jamoasi bilan 1972 yili Yevropa chempioni, 1974 yili jahon chempioni bo‘lgan.
U murabbiylik faoliyati davomida “Shalke”, “Real”, “Bayer” va boshqa klublarda ishlagan. 1997/1998 yilgi mavsumda Xaynkes “qaymoqranglilar” bilan Chempionlar ligasida g‘alaba qozongan. “Bavariya” bosh murabbiyi sifatida 2012/2013 yilgi mavsumda Germaniya chempionati, mamlakat kubogi va Chempionlar ligasida g‘olib chiqqan.
