“Real” murabbiyligiga nomzodlar ko‘rsatildi
Ular orasida klubning sobiq futbolchilari ham bor.
“Real Madrid” murabbiylar ro‘yxatiga besh nafar mutaxassis kiritilgan. Qirollik klubining yangi bosh murabbiyi aynan ular orasidan tanlanadi. Bu haqda “El Nacional” nashri xabar berdi.
Manbaga ko‘ra, “Real”ning salohiyatli murabbiylari ro‘yxatidan jamoaning uch nafar sobiq futbolchisi bor: Raul Gonsales (hozirda “Kastilya”ni boshqarmoqda), Alvaro Arbeloa (“Juvenil A”) va Xabi Alonso (“Bayer”). Shuningdek, “qaymoqranglilar” yana ikki tajribali mutaxassisni ko‘rib chiqmoqda: bular “Chelsi”ning sobiq ustozi Tomas Tuxel va “Bavariya” ustozi Yulian Nagelsmann.
“Real Madrid” ayni vaqtda 14 o‘yinda 35 ochko to‘plagan holda Ispaniya La Ligasining 2022-2023-yilgi mavsumi turnir jadvalida ikkinchi o‘rinda bormoqda.
