Bayram kunlari qaysi tibbiyot muassasalari tun-u kun ishlaydi?
Ana shu davrda 40 ming nafar tibbiyot xodimi qonunda belgilangan tartibda, navbatchilik asosida aholiga xizmat koʻrsatadi.
Sanitariya-epidemiologiya xizmati ham ish olib boradi.
Yangi yil bayrami kunlari tibbiyot muassasalari tunu kun ishlaydi.
Yangi yil bayramida Oʻzbekiston aholisi 31-dekabrdan 4-yanvargacha ketma-ket 4 kun dam oladi. Ana shu davrda davolash-profilaktika muassasalarining 40 ming nafar tibbiyot xodimi qonunda belgilangan tartibda, navbatchilik asosida aholiga xizmat koʻrsatadi.
Davolash-profilaktika muassasalari:
1049 ta oilaviy poliklinika;
1080 ta oilaviy shifokor punkti;
tuman, viloyat va respublika shifoxonalari;
tibbiyot oliy oʻquv yurtlari klinikalari.
Respublika shoshilinch tibbiy yordam ilmiy markazi, uning hududlardagi 13 ta filiali, tumanlardagi 181 ta shoshilinch tibbiy yordam qabul boʻlimi hamda tumanlararo qoʻshma shikastlanishlar va oʻtkir qon-tomir kasalliklari markazlarida 24 soat davomida navbatchi shifokor va hamshiralar faoliyat yuritadi.
Ushbu muassasalar zarur dori-darmonlar bilan taʼminlanib, zaxira oʻrinlari yaratilgan.
Mamlakat boʻyicha 2755 ta tez tibbiy yordam brigadasi aholidan boʻladigan chaqiriqlar asosida kunu tun xizmat koʻrsatadi. Shuningdek, 227 ta tugʻuruq, 245 ta bolalar davolash muassasaci ham uzluksiz ish olib boradi.
Respublika Call-markazi (1003) orqali tibbiyotga tegishli savollarga malakali mutaxassislardan kechayu kunduz javob olish mumkin.
