Rossiya Kiyevga tungi dronlar hujumini amalga oshirdi
Kecha kun davomida ham raketa zarbalari berilgan edi.
Rossiya tunda Kiyev va Kiyev viloyatiga dronlar orqali hujum qildi. Bu haqda Kiyev shahar harbiy maʼmuriyatining Telegram kanali xabar berdi.
"Kiyev! Havo hujumiga qarshi mudofaa ishlamoqda. Nishonlar yo‘q qilingunicha xavfsiz joyda bo‘ling", — deyiladi xabarda.
Shuningdek, Kiyev viloyatining harbiy maʼmuriyati rahbari Aleksey Kuleba ham buni tasdiqlagan.
"Dronlar hujumi. Bombapana va xavfsiz joyda bo‘ling. O‘zingiz va yaqinlaringizni asrang", — deb yozgan u Telegram kanalida.
Keyinchalik Kuleba barcha dronlar urib tushirilganini aytgan. Uning so‘zlariga ko‘ra, viloyatdagi hech qaysi obyekt zarar ko‘rmagan.
Rossiya kecha Ukrainaning ko‘plab viloyatlariga kun davomida raketa zarbalari bergandi.
