Mundial antiqahramoni yana bir rekordni yangiladi
U kecha jamoasi safida gol urdi.
“Tottenhem” hujumchisi Harri Keyn Angliya chempionatining 19-turidan o‘rin olgan “Kristal Pelas”ga qarshi o‘yinda (4:0) ikkita gol urdi. O‘yin kecha “Selhurst Park” stadionida bo‘lib o‘tdi.
29 yoshli hujumchi APLda urgan gollari sonini 198 taga yetkazdi. U turnirdagi dastlabki 300 uchrashuvda gol urish bo‘yicha “Uch sherlar”ning sobiq hujumchisi Alan Shirerning rekordini yangilashga muvaffaq bo‘ldi.
Shirer Premer-ligadagi dastlabki 300 o‘yinida 196 ta gol urgan. Ro‘yxatning uchinchi o‘rnida “Manchester Yunayted”ning sobiq hujumchisi Endi Koul 151 gol bilan joy olgan. Shuningdek, Keyn “shporlar‘ safida barcha musobaqalarda 264 gol urgan.
