Bayden jurnalistlardan qochib ketdi
U yugurgancha vertalyotga chiqib ketgan.
AQSH prezidenti Jo Bayden Kapitoliydagi tartibsizliklarning ikki yilligi munosabati bilan Oq uyda nutq so‘zlaganidan so‘ng tashqarida turgan jurnalistlardan qochib ketdi.
OAV xodimlari prezidentning orqasida baqirganicha qolgan.
Bayden matbuot bilan suhbatlashish o‘rniga, dam olish kunlari Delaverga tezroq yetib borish uchun vertolyotga chiqishni afzal ko‘rgan, deyiladi xabarda.
Bu Amerika prezidentining ommaviy axborot vositalarining savollaridan ataylab qochishi bilan bog‘liq birinchi holat emas..
Bundan tashqari, prezident dam olish kunlarini Delaverda o‘tkazish odati uchun ko‘p tanqidlarga uchradi. CNN maʼlumotlariga ko‘ra, Bayden o‘zidan oldingi prezident Donald Trampga qaraganda ko‘proq dam oladi va muddatining chorak qismini oilaviy qarorgohda o‘tkazdi. Respublikachilar esa prezident vaqtining 40 foizdan ortig‘i taʼtilda bo‘lganini taʼkidlamoqda.
