“Real” yana katta transfer rejasini tayyorlayapti
Bu galgi nishon mundial kashfiyotlaridan biri.
Xorvatiyalik himoyachi Josko Gvardiol Madridning “Real” klubi eʼtibor doirasida bo‘lib turibdi. Jurnalist Alfredo Pedullaning yozishicha, Gvardiola uchun birinchi bo‘lib “Chelsi” taxminan 80 million yevro taklif qilgan, keyin “Real” 90 million yevro to‘lashga tayyorligini bildirgan. Bu summa “RB Leyptsig” klubni ishontira olmadi. Keyin Madrid klubi faollashdi va futbolchining transferi bo‘yicha ikkita yig‘ilish o‘tkazdi.
Natijada, futbolchi uchun 120 million yevro taklif qilindi. “Manchester Siti” ham Gvardiolga ko‘proq maosh to‘lashga tayyorligini bildirdi. Maosh borasida “Chelsi” himoyachiga yiliga 9 million yevro va “Real Madrid” esa 6 million yevro taklif qilgan.
Gvardiol Xorvatiya bilan JCH-2022da bronza medallarini qo‘lga kiritdi. Himoyachi joriy mavsumda Bundesligada 13 ta o‘yinda maydonga tushgan.
