Pirlo Belgiyani boshqarmoqchi
Ammo uning uslubi jamoaga mos kelmaydi.
“Yuventus”ning sobiq bosh murabbiyi Andrea Pirlo Belgiya terma jamoasini boshqarishni istamoqda. Bu haqda “HLN” nashri xabar berdi.
Belgiyaliklar ispaniyalik mutaxassis Roberto Martines ketganidan so‘ng jamoaga yangi murabbiy izlashda davom etmoqda. Pirlo Belgiya qirollik futbol assotsiatsiyasi bilan bog‘lanib, terma jamoada ishlash imkoniyatini muhokama qildi, ammo uning murabbiylik uslubi jamoaga mos kelishi aniq emas.
Qatardagi jahon chempionatida Belgiya Marokash, Xorvatiya va Kanada bilan guruhda uchinchi o‘rinni egallagandi.
