Rasman: Ertadan bosqichma-bosqich darslar boshlanadi
Bu haqda Oliy taʼlim, fan va innovatsiyalar vazirligi maʼlum qildi.
Vazirlar Mahkamasining tegishli bayoni bilan OTM hamda professional taʼlim muassasalari va akademik litseylarda o‘quv jarayonini mahalliy hokimliklar bilan kelishilgan holda tashkil etish tavsiya etildi.
Taʼlim muassasalari rahbarlari va tegishli mahalliy hokimliklar talaba-o‘quvchilarni xabardor qilish, ularni OTM joylashgan hududga yetib kelishini taʼminlash hamda mazkur jarayonlarni shaxsan nazoratga oladi.
O‘quv jarayonini tashkil etishda zaruriyat tug‘ilganda o‘quv grafigiga o‘zgartirish kiritish ruxsat beriladi. 20 yanvarga qadar yakuniy nazorat ishlari tashkil etilmaydi.
Ob-havo sharoitlari tufayli o‘qishga kelolmagan talabalarga tegishli masofaviy dasturlar taklif qilinadi.
