“Borussiya” futbolchisi uchun 100 million yevro so‘radi
Unga “Real” jiddiy qiziqmoqda.
“Borussiya” klubining Dyud Bellingem transferi borasidagi talablari maʼlum bo‘ldi.
Jurnalist Karlos Karpioning yozishicha, dortmundliklar klubi yarim himoyachi uchun bonuslarni hisobga olmaganda 100 million yevro olmoqchi. Umumiy summa 120-150 million yevro bo‘lishi mumkin.
“Real Madrid” vakillari bu talablardan xabardor - madridliklar shu yozda ingliz futbolchisini qo‘lga kiritmoqchi.
Joriy mavsumda Dyud Bellingem “Borussiya Dortmund” safida barcha musobaqalarda 22 ta o‘yinda maydonga tushib, 9 ta gol urdi va 3 ta golli uzatmani amalga oshirdi. 2022 yilgi jahon chempionatida yarim himoyachi beshta uchrashuvda maydonga tushib, bitta gol urdi va bitta golli uzatmani amalga oshirdi.
