“Ronaldu to‘g‘ri qaror qildi”
Anchelotti futbolchining qarorini ijobiy qabul qildi.
“Real” bosh murabbiyi Karlo Anchelotti portugaliyalik hujumchi Krishtianu Ronalduning “Al Nasr”ga o‘tishi haqida gapirdi.
“Men Krishtianuning juda motivatsiyali va baxtli ekanligini ko‘rdim. Menimcha, u “Al-Nasr”ga o‘tib, to‘g‘ri qaror qildi”, — deya “Mundo Deportivo” nashri murabbiyning so‘zlaridan iqtibos keltirdi.
Ronaldu “Al Nasr”ga 2022 yilning dekabr oyi oxirida kelib qo‘shilgandi. Hujumchining klub bilan shartnomasi 2,5 yilga mo‘ljallangan va mavsumiga taxminan 200 million yevro maosh oladi. Bungacha Ronaldu “Sporting”, “Manchester Yunayted”, “Real” va “Turin”ning “Yuventus” kabi klublarida to‘p surgan.
Ertaga, 15 yanvar kuni Ispaniya Superkubogi finali bo‘lib o‘tadi va unda “Real” “Barselona” bilan o‘ynaydi.
