Maktablar onlayn ta’limga o‘tishi mumkin
Vazirlik bu masalani ko‘rib chiqmoqda.
Kecha, 16-yanvar kuni Maktabgacha va maktab ta’limi vaziri mahalliy hokimliklar bilan III chorakni boshlash masalasini muhokama qildi.
Videokonferensaloqa orqali bo‘lib o‘tgan yig‘ilish kun tartibiga hududlarda maktablarning III chorakni boshlashga tayyorgarligi masalasi qo‘yildi.
Jumladan, vazir mahalliy hokimliklar joylardagi umumta’lim muassasalarining tayyorgarlik holatini yana bir bor qayta tahlil qilish zarurligini ta’kidladi.
Ayni damda Maktabgacha va maktab ta’limi vazirligi o‘quvchilarni ob-havo sharoitlari barqarorlashguniga qadar vaqtincha onlayn ta’lim tizimiga o‘tkazish masalasini ko‘rib chiqmoqda.
