“Nyukasl”dan yana bir yurish
Klub yanvar oyida “Chelsi”ning uch futbolchisini sotib olmoqchi.
“Nyukasl Yunayted” yanvar oyidagi transfer oynasida “Chelsi” yarim himoyachilari Konor Gallager va Ruben Loftus- Chik hamda qanot himoyachisi Hakim Ziyeshni sotib olishni ko‘rib chiqmoqda. Bu haqda “The Telegraph” jurnalisti Lyuk Edvards xabar bermoqda.
Londonliklar bosh murabbiyi Grem Potter klubdagi jarohat muammosi og‘irlashib borayotgan bir paytda Gallager va Loftus-Chikni yo‘qotishni istamaydi, ammo Ziyesh klubni tark etishi mumkin.
Konor Gallager uzoq vaqtdan beri “Nyukasl”ning qiziqishlari doirasida bo‘lib kelmoqda. So‘nggi ikki yozgi transfer oynasida u ikki marta ingliz futbolchisini sotib olish taklifi bilan murojaat qilgan. Agar bu transfer muvaffaqiyatsizlikka uchrasa, “Manchester Yunayted” futbolchisi Skott MakTominayga murojaat qilishi mumkin.
