“PSJ” prezidenti Saloh bilan uchrashdi
Suhbat tafsilotlari hozircha sir.
“PSJ” prezidenti Nosir Al-Xelayfi “Liverpul”ning misrlik hujumchisi Muhammad Saloh bilan “mersisaydliklar”ning “Brentford”ga (1:3) qarshi o‘yinidan so‘ng uchrashgan. Bu haqda jurnalist Ismoil Mahmud o‘zining ijtimoiy tarmoqdagi sahifasida maʼlum qildi. Hozircha suhbat tafsilotlari nomaʼlumligicha qolmoqda.
Eslatib o‘tamiz, avvalroq Parij klubiga egalik qiluvchi “Qatar Sports Investments” (QSI) kompaniyasi “Liverpul” hujumchisini sotib olishi mumkinligi haqida xabarlar tarqalgan edi.
Angliya premyer-ligasining joriy mavsumida misrlik futbolchi “Liverpul” safida 18 ta o‘yin o‘tkazib, 7 ta gol urdi va 4 ta golli uzatmani amalga oshirdi.
“Qizillar” 18 o‘yindan keyin 28 ochko bilan turnir jadvalida bor-yo‘g‘i 9-o‘rinda bormoqda.
