Saudiyalik tadbirkor 2,5 million yevroga chipta sotib oldi
U endi Messi va Ronaldu bilan suratga tushish imkoniyatiga ega bo‘ladi.
Biznesmen Mushraf al-G‘amdiy “PSJ” va “Al-Nasr” va “Al-Hilol” birlashgan jamoasi o‘rtasidagi o‘yinga 2,5 million yevroga chipta sotib oldi. Bu haqda Saudiya Arabistonidagi Ko‘ngilochar ishlar bo‘yicha bosh boshqarmasi raisi Turki Al-ash-Shayx maʼlum qildi
Qayd etilishicha, mablag‘ Saudiya Arabistoni davlati “Ehson” xayriya tashkilotiga yo‘naltiriladi. Xarid qilingan chipta nafaqat xayriya ishlariga hissa qo‘shadi, balki Al-G‘amdiyga o‘yinni “VIP” maydondan tomosha qilish va o‘yin tugagandan so‘ng kiyinish xonasiga kirish va Lionel Messi va Krishtianu Ronaldu bilan uchrashish imkonini beradi.
“PSJ” va Saudiya Arabistonining ikki eng yaxshi jamoasi o‘rtasidagi uchrashuv ertaga Ar-Riyodda bo‘lib o‘tadi.
