Iroqda futbol o‘yiniga borayotgan muxlis tiqilinchda vafot etdi
Bugun Fors ko‘rfazi kubogining final o‘yini bo‘lib o‘tadi.
Iroqning Basra shahrida bo‘lib o‘tayotgan Fors ko‘rfazi kubogi final o‘yini oldidan yuz bergan tiqilinchda bir muxlis halok bo‘ldi, 60 ga yaqin kishi jarohat oldi. Bu haqda “Al Sumaria” nashri nashri xabar berdi.
Iroq terma jamoasi muxlislari o‘z mamlakati milliy terma jamoasi va Ummon terma jamoasi o‘rtasidagi o‘yinga borish uchun ertalab Basradagi Xalqaro stadion oldiga yig‘ildi. Natijada katta tiqilinch yuz berdi.
Bugun 2023 yilgi Arabiston ko‘rfazi kubogi final uchrashuvi bo‘lib o‘tadi. Yarim finalda Iroq jamoasi Qatarni 2:1 hisobida mag‘lub etdi va Ummon Bahrayndan kuchliroq chiqdi. Turnirning amaldagi g‘olibi Bahrayn terma jamoasi hisoblanadi.
